Saib ib tsev hmoob nyob toj siab muaj 20 tus me nyuam, lub neej mas tsom nykhoortiag tiag yog
Yog hais tiag mas teb chaws tsis muab cai yug me nyuam ntau. Peb hmoob toj siab tsis tau mus kawm teb chaws txuj ci peb saib daib video no . peb kawm tsis yug me ntau mas txom nyem lis
Txoj Kev Zij Poj Niam
Muaj coob Leej ntau Tus to taub tias Txoj Kev zij poj niam Yog peb Tsev neeg Hmoob Txoj Kab mus Txoj Kev los Yog poj Ua tseg Yawm Ua cia tab sis qhov tseeb Nws tsis Yog li qhov uas sawv daws xav ntawd. Niaj hnub niam no los peb Tsev neeg Hmoob yeej hais Seev yees tias, "Twb Ua tsis raws poj Ua tseg Yawm Ua cia" los Yog " Twb Ua tsis raws Liaj Lwg Rhwv Mws Tus caj tshoob." Peb tsuas Yog lam hais Kom tag Kev cai li ntawd xwb, peb yeej tsis Ua raws li qhov uas peb hais ntawd. Peb Tsev neeg Hmoob yeej paub tias peb Txoj kab tshoob Kev kos Uas niaj hnub niam no ua ces tsis Yog uas raws Tus yeej cum poj Ua tseg Yawm Ua cia los Yog Ua tsis raws Liaj Lwg Rhwv Mws Tus caj tshoob lawm los peb yeej tsis kam tso tseg li thiab. Qhov tseeb ces vim peb taug tsis tau Tus qub yeej cum lawm thiab peb tsis muaj teb mus muaj chaw xwb.
Nyob rau hauv Phau Txuj Ciaj Sia qhia hais tias; Hmoob yeej ib txwm tsis muaj txoj kev cai zij poj niam. Thaum Liaj Lwg thiab Rhwv Mws mus yuav poj yuav sev los nkawv yeej tsis zij nkawv ob tug tab zag hlo li. Txoj kev zij poj niam yog Hmoob xyaum ntawm haiv neeg Suav los xwb. Thaum uas Hmoob muab daim av Tuam Tshoj ua poob rau haiv neeg Suav lawm ces Suav thiaj li tuaj tswj Hmoob liaj ia teb chaws. Thaum no haiv neeg Suav tuaj nrog Hmoob nyob koom zej koom zos lawm. Leej twg tus poj niam zoo nkauj ces raug haiv neeg Suav tuaj txeeb mus yuav ua poj niam. Cov nraug vauv uas mus yuav tau poj niam los txog tom ib tog kev los Suav cia li tuaj muab tus nraug Vauv thiab tus mej koob koom ntaus thiab txeeb tus nkauj nyab mus yuav li lawm thiab. Yog li no mas lub sij hawm no haiv neeg Suav ua phem heev rau Hmoob li. Hmoob thiaj li muaj cov zaj lus haiv hais tias, “Cov Tub txawj ntxhais ntse ces raug Suav muab tua mus tu noob. Noob qes luaj taum daj los raug Suav hlais. Tuag lawm los Suav tseem tuaj khawb Hmoob ntxa.” Haiv neeg Suav loj xov tuaj txeeb Hmoob liaj ia teb chaw, txuj ci, poj lag tub se thiab txhua txhua yam uas Hmoob muaj.
Yog li lub sij hawm no ces tus Mej Koob coj tus Vauv mus yuav poj niam los niam tais yawm txiv thiaj li tsis kam tus ntxhais rau tus vauv yuav lawm, vim tsis muaj txuj ci thiab tsam tus vuav yuav pov puag tsis tau tus ntxhais ces yuav raug Suav tuaj txeeb. Yog li no ces tus Mej Koob thiaj coj tus vauv mus muab tsis tau nyab. Qhov no ces Hmoob thiaj li xyaum txoj kev mus nyiag tus ntxhais tsis pub niam tais yawm txiv paub. Txoj kev cai uas mus nyiaj tus ntxhais no thiaj dhau los ua Hmoob txoj kev cai Zij Poj Niam lawm. Thaum nyiaj tau tus ntxhais los txog tom tus tub tsev ces thiaj li yuav tau ua kev cai lwm qaib vim nws tsis yog txoj kev sib yuav dawb huv lawm. Qhov no ces Hmoob thiaj rhawv txoj kev cai Lwm Qaib thiab mus tshab xo rau niam txiv neej nus paub tsam lawv txhawj txhawj lawv tus ntxhais. Yog niam tais yawm txiv tus ntxhais ploj lawm ces lawv yuav tsis paub tias lawv tus ntxhais yog raug Suav nyiag lawm los yog mus yuav txiv lawm. Qhov no ces tus neeg tshab xo thiaj li nqa tus ntxhais qhov puav pheej uas yog txoj siv phuam mus ceeb rau niam txiv neej nus paub tias tus ntxhais mus yuav txiv lawm thiab nyob muaj chaw lawm kom niam txiv neej nus tso siab. Txoj siv phuam ntawm tus ntxhais ntawd thiaj li dhau los mus ua txoj siv ceeb lawm.
Thaum Hmoob rhawv muaj txoj kev zij poj niam tuaj lawm ces txawm tus ntxhais nyiam thiab tsis nyiam tus Tub los tus tub cia li coj neeg mus zij tus ntxhais li lawm thiab. Qhov no ces niam tais yawm txiv thiaj li tsis txaus siab. Hmoob thiaj li rhaws muaj txoj kev cai niam tais ntaus ntxhais tuaj thiab. Niam tais yawm txiv thiaj li muaj cai tuaj txeeb tus ntxhais rov qab. Yog li no mas nyob rau hauv Phau Txuj Ciaj Sia thiaj qhia hais tias; txhua yam kev cai uas Hmoob rhawv rau toom neej poob haiv no ces thiaj yog txoj kev cib nyeej thiab ua sib pauj xwb vim ib leeg hais ib leeg tsis yuav lawm. Tog tub rhawv ib txoj kev cai tuaj los tog ntxhais thiaj li rhawv ib txoj kev cai tuaj tiv thaiv thiab. Thaum Hmoob ntsib Ib qho teeb meem ces Hmoob cia li Tsim Ib Txoj Kev cai Los tiv thaiv qhov teeb meem ntawd. Yog li no Hmoob thiaj hais tias; rooj tshoob mus rooj kos ces yog rooj plaub mus rooj ntug tab sis yog plaub dawb xwb tsis yog plaub dub.
Tiam no twb yog tiam 21 lawm, Tsim nyog kawg nkaus uas peb tsev neeg Hmoob yuav tau muab peb cov kev cai poob haiv no tso pov tseg kom tag. Peb yuav tau mus coj raws tus qub yeej cum uas Poj Ua Tseg Yawm Ua Cia. Peb thiaj tsis hais lo lus tias, “Twb ua tsis raws poj ua tseg yawm ua cia li lawm.” Peb yeej paub tias txoj kev cai tshoob kos niaj hnub niam no peb ua tsis yog lawm tab sis peb kuj tsis kam muab tso pov tseg kiag li thiab. Qhov no yog qhov uas Tswv Yawm Saub hais tias, “Ua ntej nej yuav txais tau cov dej tshiab uas yog dej ciaj sia mas nej yuav tsum muab nej cov dej nro dej muaj txo hauv nej lub khob laub pov tseg kom tag tso.” Ua ntej peb yuav tau lub neej tshiab, peb yuav tsum zoo siab hlo tso cov kev cai uas txuam yuaj xyaw lwm nywj keeb neeg tsis zoo pov tseg. Peb thiaj li yuav txais tau lub neej tshiab lub neej sov siab.
Kev hlub hluas nkauj hluas nraug noj tshuab tuag
VIM LIS CAS HMOOB XAV NOJ TSHUAB
TUAG....?
TUAG....?
Cas kuv sim me neej no--kuv yeej tsis xav ua neej kheem tus kuv hlub nws li os Khej...!
Kuv tsuas xav tias kuv tsis tau nws los cia kom nws ua tus yeej thiab cia kom nws tau tshaj kuv xwb os phooj ywg...Puas yog Kuv npub dhau lawm no..?!
Txhob ua kuv tsaug mog yog koj yuav ua tsaug ces koj mus ua Hmoob lev dim tsaug vim Hmoob lev dim yog tus qhia kuv mus saib tom lawv lub yus thuj ces kuv cia li mus kaus pis tov los tso nov xwb mog.Nco ntsoov Hmoob lev dim yog tus qhia kuv thiaj li mus muab tau los ces koj mus ua kuv me muam Hmoob lev dim tsaug nawb mog.
KWV TIJ HMOOB XAV UA CAS PEB HMOOB HAIS VIM TXOJ KEV HLUB MAS NOJ TSHUAB TUAG??
.....................
Saib ib txoj video YOUTUBE yog hmoob noj tshuab:
Tsis Xa Tso Koj Rau Luag
Nco nroov cim daimduab cia kom zoo, sijhawm yuav dhau zoj mus ntau xyoo, nws tseem tshiab khiv li qub. Cas muab nws nriab nkaus coj los qhub, nws twb tsis ciajsia, tsis txawj hais ib lolus los teev lub kuamuag iab? Ra muag nria nruabntug pom me fuabdub ya sib qoov, lub ncauj tsis hais lub siab nim poob nroog - lub kuamuag ntws nto nco txog tejchaw ntoj - lub caij thaum tham phone thawj zaug hais txog txoj kev sib hlub uas muaj zog: koj hais tau lus mos luagntxhi, zoo lub siab tshaj xav tias tiam neej no yuav muaj los ua leejhlub nyob lub xubntiag mus ib sim - lub kuamuag yuav tsis muaj hnub txawj plam si!!!
Cas ziag no yuav txawv hlo, cia mus saib daimduab pem ntavtoj, sijhawm khiav mus dhau ntau xyoo lawm mog; muab xav txog tsausmuag, vim nploojsiab lubnrws seev quaj nco txog lub caij wb tuaj mus sib fim thawj zaug hauv lub nriabmuag: "KOJ HNAV LUB RHO XIAV NROG LUB RIS DAWB, KOJ COBXUB ZOONKAUJ NTXIM HNIA TUAJ MUS NTXIM TAWB; KUV HNAV LUB TSHO DAWB NROG LUB RIS DUB, KUV COBXUB MUAJ TSIM ZOONRAUG NTXIM TAWB TUAJ MUS NTXIM HLUB." Lub ncauj tsis hais, nplooj siab twb ya yuj tuaj mus sib qawg - xav tias yeej yuav yog wb kev txijnkawm. Thiaj tau pib muaj txoj kev sib nyiam nyob lub siab, tau pib muaj txoj kev sib hlub nyob lub cev ntajnrug; kuv thiaj hnia koj - koj thiaj puag kuv, txawm tshav ntuj kub yuav muaj neeg coob nyob mus puv toj, yeej tsis pom thiab khoom saib leeg twg hlo; nploojsiab lubnrws vau los sib qawg, sib ib yam li niam-txiv, muab txoj kev nyiam los ua lub chaw pib, muab txoj kev hlub los ua lub chaw sib khi; kev sib nyiam - mob siab thiaj tau chiv, xav kom lub ntiaj teb tsuas muaj koj nrog nraim kuv mus ib txhiab tsov ib txhis. Vim dabtsi txoj kev sib hlub kev sib ntshaw uas tawg paj paug nyob mus txi ncw txiv, yuav los mus xaus zoo li zaj dabneeg nkaujhnub thiab nraughli os leejhlub tus zoonkauj - koj ntxim hlub kawg siab tuaj mus ntxim nyiam kawg nrws - tsis xav tseg rau ib qhov chaw twg.
Lub sijhawm dhau lawm zujzus, cas nplooj siab yuav mob ntxhia ntxhig rau txoj kev sib hlub, lub plawv thiaj tawg tsisua tuaj mus puv ntuj. Vim txoj kev sib hlub wb tau tsim muaj zoo tshaj daabneeg keev muaj los, thiaj saub seev sob lus nco tuaj mus nrhiav koj mog. “KUV HLUB KOJ,” tswj txojsia nrees nyob nrog kuv nploojsiab, koj tus ntsujduab thiab lub fwjchim zoo yuav nyob nrog nraim lub siab mus txhua tiam. Tej lus tsim hnuj nyob mus tsau nqi - wb tau cog tseg tiam no yuav ua lub xauv xuv lub siab txoj kev uazoo cia, txawm tias lub ntuj yuav pob mus ua av tag - lub ntiajteb yuav ntsoog mus ua dej ntws, tseem tshuav koj tus ntsuj duab thiab txoj kev zoo sibkhawm rawv nyob nrog nraim kuv txhais npab xwb. Tus ntsujplig lub fwjchim zoo yuav ua lub teeb rom ci nra rau wb pom kev mus rau txhua txoj kab, yuav ua lub kaus roos tshav roos nag tsis muaj hnub tag... Thov lub ntuj pov lub teb puag, hwm wb txoj kev sib hlub kev ua zoo cia mus ua ib hauv tshuaj kuab muaj tsuas los kho wb nploojsiab lub nrws nyob mus tsuas muaj sib hlub tsov sib tshua. Yog tiam twg wb tsov tau sib ntsib wb yuav tsov hlub ntxiv, thaum ntawd yuav muab koj rub zog rau kuv lub xubntiag tsis kam cia koj dim. Wb mam sib hlub ua lub neej thajyeeb nyob saum nplaim dej, wb txoj kev sib hlub thiaj tsis nplua npleev li txhib zeb, wb mam sib fwm ua lub neej kajsiab nyob saum yaj ceeb, wb txoj kev sib hlub, kev coj ua zoo thiaj tsis yog dabneeg lawm mog...
Txuj ci hmoob
HMOOB COV TXIV XAIV
COV QHIB PHIAJ
ZAJ : 1
Ob xyoo nram ntej ub,zoo nyiaj yog nws laus nyiaj,zoo xyoo yog nws laus xyoo. Nws laus ua neej txoos yees lawm ntiaj teb no. Nws laus lub neej zoo puav tam tus ncej zag ncej zuag ntxhee li txias nram toj. Nws laus tseem nrog tau nws laus kwv, nws laus tij sawv li nraim rau lub luag nroj. Tseem nrog poj lag tub yau nyob mus ua poj.
Ob xyoo nram ntej ub, zoo nyiaj yog nws laus nyiaj, zoo xyoo yog nws laus xyoo. Nws laus ua neej txoos yees lawm yaj ceeb no. Nws laus lub neej zoo puav tam tus ncej zag ncej zuag ntxhee li txias rov nram roob. Nws laus tseem nrog tau nws laus neej nws laus tsav sawv li nraim rau lub luaj qoob.
Xyoo no phem niaj nqis tsiv xyoo,phem niaj yog phem nws laus niaj tsiv xyoo yog tsiv nws laus xyoo. Nws laus ploj ceeb tuag tag nrho. Nws laus lub neej zoo puav tam tus ncej zag ncej zuag dam li daws rov nram toj. Xyoo no nws laus ploj tuag tag nrho nws laus kwv nws laus tij yuav nrig cwj li zug tuaj mus txhws ploj.
Xyoo no phem niaj nqis tsiv xyoo, phem niaj yog phem nws laus niaj , tsiv xyoo yog tsiv nws laus xyoo. Nws laus ploj ceeb tuag tag nrho. Nws laus lub neej zoo tam tus ncej zag ncej zuag dam li dawg rov nram tsuag. Xyoo no nws neej nws laus tsav yuav nrig cwj li zug tuaj mus txhws tuag.
Xyoo no phem niaj nqis tsis xyoo. Nkauj hnub qaij li nroos mus dua dawm . Yuav tseg tau nraug hli nyob ua ntsuag nkawm.
Xyoo no phem niaj nqis tsiv xyoo nkauj hnub qaij li nroos mus dua toj. Yuav tseg tau nraug hli nyob nyob ua ntsuag ntsoj.
Xyoo no nws laus ploj tuag tag nrho. Nqaij txha lwj taus nqaij txha lwj,roj ntshav lwj tsis taus yuav ntxaum li ntiaj peb twg av luaj dub. Nws laus neej nws tsav tuaj txhij. Puas tshuav tau niaj ib leeg tawm li plaws qhov twg tuaj nrog hlub.
Xyoo no nws laus ploj tuag tag nrho. Nqaij txha lwj taus nqaij txha lwj,roj ntshav lwj tsis taus roj ntshav yuav ntxaum li ntiav peb twg av luaj liab. Nws laus kwv nws laus tij tuaj txhij puas tshuav tau niaj ib leeg tawm li plaws qhov twg tuaj nrog mob siab.
ZAJ: 2 1
Txheeb tom plaj dhau tom txuag. Txheeb tej laus kus dhau tej hluas. Txhij cuab kus sawv dawv tuaj nrog tub roog ploj xyoom cuab tso daj kus tso luag. Yuav zov tau nws laus tus kauv zaj mus tus kauv tuag.
Txheeb tom plaj dhau tom tsev . Txheeb tej laus kus dhau tej me. Txhij cuab kus sawv daws tuaj nrog luag tub roog npoj xyom cuab tso daj kus tso lus. Yuav zov tau nws laus tus kauv zaj nrog kauv sub.
ZAJ: 3
Haim thawj ces zoo tswv nyaij. Tswm xeeb ces zoo tswv txus. Nej xam phiaj lawv tsoom npoj qas laus nej tswm xeeb ces tswm tib zoo. Laj lis tub txiv xaiv zoo tso chim paj lug.
Haim thawj ces zoo tswv nyaij. Tswm xeeb ces zoo tswv kav. Nej sam phiaj lawv tsoom npoj qas laus nej tswm xeeb ces tswm tib zoo. Laj lis tub txiv xaiv zoo tso chim paj lus rau tej kev tsav.
ZAJ: 4
Ob xyoo nram tej ub nws laus ua neej txoos yees lawm ntiaj teb, ntiaj teb los nraug cai. Nws laus ua lub neej xws luag neej. Nws laus rauv taws cig nto sam leej. Nws laus nrab plaj los los saum rooj li muaj tus npua nraj nraum los dawb pu. Nws laus li tos nyog koj yawm thaj xyoob,muam phauj laug,nyaj cawm txiv dab laug,yawm cuas laus tuaj qhau li nyog nws laus txoj mus xab mu.
Xyoo no nws laus qaus li yeev mus coog hnub. Nws laus ua lub neej lawm ntiaj teb, ntiaj teb los nraug cai. Nws laus ua lub neej tsis xws luag neej. Nws laus rauv taws cig tsis to xam leej. Nws laus nrab plaj los saum rooj,tsis muaj tus npua nraj nraum los dawb pu. Nws laus tos tsis nyog koj yawm thaj xyoob , muam phauj laug, yawm cuas laus tuaj qhau tsis nyog nws laus txoj mus xab mu.
Ob xyoo nram ntej ub nws laus ua lub neej txoos yees lawm ntiaj teb, ntiaj teb los nraug cai . Nws laus ua lub neej xws luag neej . Nws laus li rauv taws cig nto sam leej. Nws laus nrab plaj los saum rooj li muaj tus npua nraj nraum los dawb tes. Nws laus li tos nyog koj yawm thaj xyoob ,muam phauj laug,nyaj cawm kuv txiv dab laug, yawg cuas laus tuaj qhau nyog nws laus txoj mus xab nceg.
Xyoo no nws laus qaus lis yeev mus coos hnub . Nws ua neej txoos yees lawm ntiaj teb,ntiaj teb los nraug cai ,nws laus ua lub neej tsis xws luag neej. Nws laus rauv taws cig tsis nto sam leej. Nws laus nrab plaj los saum rooj tsis muaj tau tus npua nraj nraum los dawb tes. Nws laus tos tsis nyog koj yawm thaj xyoob muam phauj laug, nyaj cawm txiv dab laug yawg cuas laug tuaj qhau tsis nyog nws laus txoj mus xab nceg.
ZAJ: 5
Toj siab txawm qas tsi ?,toj siab txawm ntoo ciab. Chaw qis txawm li cas? Chaw qis txawm ntooj ntseeg. Puag ta laj lis tub txiv xaivwb tswm li ntshis xov nphlob moj tim xyoob. Ziag no wb tswm lis ntshis neb nkawm txiv qeej.
Toj siab txawm qas tsi?toj siab txawm ntoo ciab. Chaw qis txawm li cas, chaw qis txawm ntoo ntsuag. Puas ta laj lis tub txiv xaiv wb tswm lis ntshis xob nphlob moj tim xyoob. Ziag no wb tswm lis ntshis neb nkawm txiv nruas.
Wb tswm tau neb nraug nruas rau tej xub ntsa, tsis hnov nraug nruas lub suab ncha. Wb tswm tau neb nkauj qeeg rau tej xub nceg , tsis hnov neb nkauj qeeg lub suab deg.
Neb nkauj qeeg wb tswm lis ntshis rau tej xub nceg. Hmo no neb muab txus cia zoo txuj . Kaj ntug rov tai kis tav tau muam nyaj nyab lub caij sawv xyeej duab, Neb mam nkaug hlo neb nkauj qeeg los tshov, nkaug hlo neb nraug nruas los ntaug kom deg.
Neb nraug nruas wb tswm li ntshis rau tej xub nsta. Hmo no neb muaj txus cia zoo txuj . Kaj ntug tais kis qab ntug nyob mus huam xib. Tav tau muam nyaj nyab lub caij sawv mus xyeej duab. Neb mam nkaug hlo neb nkauj qeeg los tshov , neb nraug nruas los ntaug mus kom ncha.
ZAJ: 6
Laj lis tub txiv xaiv wb zoo puav tam nyuj twm tau tsiv liaj ua. Ziag no tav tau lub caij fib xeeb tig lawm lawv tsoom ploj qas hluas. Txheeb tom vaj dhau tom tsev. Txheeb tej hlob dhau tej me. Txheeb txhij nej puas los txhij. Txheeb tom plaj dhau tom txuas, txheeb tej me dhau tej hluas . Txheeb txhua nej los puas txhua .
Laj lis tub txiv xaiv wb ua txoov yawj xob nroogl lis qawg rov pem ntuj nplooj zeeg tshaws rau saum khaub. Txheeb txhij nej los puas txhij tsam tshuav hnub nram qab ziag tshuav leej tub tij tsis nrog paub.
Laj lis tub txiv xaiv wb ua txoov yawj xob nroog lis qawg rov pem ntuj. Nplooj zeeg tshaws rau nruab qho. Txheeb txhua nej los puas txhua, tsam nyob hnub nram qab tias tshuav leej tub ntxawg tsis nrog hnov.
Nej nyaj txoog tsev xyom cuab nej yuav xyom nej niam nej txiv ces xyom hmo no. Tes lauj caum cwj xyab lauj nas caum cwj ntawv. Xyom li ntsoov tuaj nram tiaj. Xyom tau leej tub nquag leej tub mus txim txiaj . Leej kus muaj xim xeeb xyom ces xyom hmo no. Tes lauj caum cwj nyab lauj nas caum cwj ntawv, xyom li ntsoov tuaj nram ub, xyom tau nej niam nej txiv lo lus nyiaj lo lus kub. Leej kus muaj xim xeeb xyom ces xyom lis ntsoov tuaj nram tsev. Leej kus tsis muaj xim xeeb xyom yuav mus puag poj lag tub yau ua qaj qaug nyog tej mus npoo lev. Leej kus muaj xim xeeb xyom, xyom lis ntsoov tuaj nrab plaj , leej kus tsis muaj xim xeeb xyom yuav mus puag poj lag tub yau ua qaj qaug nyob rau tej mus npoo txaj. Leej kus muaj xim xeeb xyom , xyom tau tub txawj mus tub nquag. Leej kus tsis muaj xim xeeb xyom nyob hnub nram qab khaws nkaus khaub hnab ntxuag khaub xee mus xauj luag. Leej kus muaj xim xeeb xyom xyom tau tub txawj mus tub nste , leej kus tsis muaj xim xeeb xyom khawg nkaus khaub hnab ntxuag khaub xee mus xauj luag qhov tsev.
Nej nyaj txoog tsev xyom cuab nej yuav xyom nej niam nej txiv ces xyom hmo no. Kaj tug tais kis nws laus yuav caij tau ntxwj nyoog tus neeg zaj neeg luav dhau lis plaws lawm toj peg roob zeb sua. Tsam nyob hnub nram qab ua lub neej tsis nce tsag ntaug daim ntawv meej xwm raws tsis cuas. Nej nyaj txoog tsev xyom cuab nej yuav xyom yuav xyom ces xyom hmo no. Kaj ntug tais kis nws laus yuav caij tau ntxwj nyoog tus neeg zaj neeg lauv dhau li plawg lawm toj peg roob zeb xau. Tsam nyob hnub nram qab ua lub neej tsis nce tsag ntaus daim ntawv meej xwm raws tsis tau. Laj lis tub txiv xaiv wb rag nyuj rag kom nto toj wb hais kom tag nws laus txoj kev ploj. Wb rag nyuj rag kom nto tsuag, wb hais kom tag nws laus txoj kev tuag.
Nej nyaj txoog tsev xyom cuab. Kaj ntus rov tais kis nej yuav yuav nyiaj nej mam taij ntseeg lawv sam phiaj . Kaj ntug rov tais kis nej yuav yuav kub nej mam taij ntsees lawv sam tsum. Laj lis tub txiv xaiv wb zoo puav tam nyuj twm tau tsiv rooj zaum. Ziag yuav tav lub caij tig fib xeeb lawm lawv tsoom ploj qas laus.
ZAJ : 7
Ziag no nej sam phiaj lawv tsoom ploj qas laus tav tau cim pleeg nkauj nraum lub caij ntaug tooj ntaug ncag ntxhi lit wm mus sawv kab. Thawj tshwj kab tub nqug rooj nqug zog los nruab nrab. Tav tau cim pleeg nkauj nraum lub caij ntaus tooj ntaus ncas mus sawv kev. Thawj tshwj kab tub nqug rooj nqug zog los nrab tsev. Tav lawm laj lis tub txiv xaiv sawv los hais xaiv hais lus. Thawj tshwj kab tub nqug rooj nqug tus. Txheeb niam neej txhij niam neej puag los txhij, txheeb txiv tsav txhua txiv tsav puas los txhua. Txheeb niam neej txhij nyob tsis txhij, tshua tau niam neej ib nkawg sawv tseeg qas ntaws qas nraus sawv los thij. Txheeb txiv tsav txhij nyob ntsis tsis txhij, tsam tshua tau txiv tsavib nkawg sawv tseeg qas ntaws qas nraus sawv los thij. Txheeb niam neej txhua nyob ntsis tsis txhua , tshuav tau txwj nyoog leej tub mus xuav kauv. Tsis tim thawj tshwj kab tub nqug rooj los yuav tim tau laij lis tub txiv xaiv nkawm kav xwmleej tub mus txheeb qhua rau. Txheeb txiv tsav txhua nyob ntsis tsis txhua. Tshua tau txwj nyoog leej tub mus xuav cua. Tsis tim thawj tshwj kab tub nqug rooj los yuav tim tau laj lis tub txiv xaivnkawm kav xwm leej tub mus txheeb qhua. Txheeb niam neej tuaj muaj npaum nplooj nws tuaj muaj nws rooj. Txheeb txiv tsav tuaj muaj npaum tsuag nws tuaj muaj nws luas. Txheeb rau leej kus tuaj tau rooj nyob ces zoo nyob . Leej kus tuaj tsis tau rooj nyob ces sawv ceg mob. Leej kus tuaj tau rooj zaum ces zoo zaum. Leej kus tuaj tsis tau rooj zaum ces sawv ceg tsaug. Txheeb rau leej kus tuaj tau rooj nyob ces leej kus nrog tsis hlob. Txheeb rau leej kus tuaj tsis tau rooj zaum nrog tsis yau. Txheeb rau leej kus tuaj tau rooj nyob leej kus twb tsis hlav niaj ib phab ntseg. Txheeb rau leej kus tuaj tsis tau rooj zaum leej kus twb tsis luv niaj ib pws ceg. Txheeb rau leej kus tuaj tau rooj nyob leej kus twb tsis ncau niaj ib txhais npab. Txheeb rau leej kus tuaj tsis tau rooj zaum leej kus twb tsis luv ib pwg ceg qab. Txheeb niam neej tuaj leej kus xws leej kus muaj leej kus ua zam zeeg xws tawv cab. Laj lis tub txiv xaiv wb ntshai rwg tsam tuaj ntxiag luag poj haub luag nyab. Txheeb txiv tsav tuaj leej kus xws leej kus , muaj leej kus ua zam zeeg xws tawv cev, laj lis tub txiv xaiv wb ntshai ruj rwg tsam tuaj ntxiag luag poj haub luag sev. Hmo no txheeb lis zus niam neej , zaum li ntsoov tuaj pem toj .
Nyiaj keeb mus saum yim
Nyiaj tshaib mus yoo nqhis
Nyiaj no mus nkaug ntsi
Los twb tsis tau nws laus ib dia mus zoo noj. Hmo no txheeb li zus txiv tsav zaum lis ntsoov tuaj pem taug.
Nyiaj keeb mus saum yim
Nyiaj tshaib mus yoo nqhis
Nyiaj no mus nkaug ntsim
Los twb tsis tau nws laus ib dia mus zoo haus.
ZAJ: 8
Ob xyoo nram ntej ub tshav ntuj tuaj sis zoj niam nkauj kab zaug cab sab los nag tuaj sis zug lauv yij tsis cab kau li lawg mus dhau dej. Muaj zoo tub txawj nej txib ,muaj zoo tub nkiag nej khaiv. Luas tshw yeeg tuaj nruab qab qab nteeg luag lit so cim paj pawg huab nplu fim nyob tej kev zej.
Xyoo no tshav ntuj tuaj sis zoj niam nkauj kab zaug tsis cab sab , los nag tuaj sis zug lauv yij cab kau lis lawg must sis dhau dej. Muaj zoo tub txawj nej tsis txib muaj zoo tub nkiag nej tsis khai. Khai lawm laj lis tub txiv xaiv wb tsis txawj xaiv. Wb tshuv yeeg tuaj nruab qab nteeg los wb tso cim paj pawg huab nplu fim tsis nyog tej mus kev zej.
Ob xyoo nram ntej ub tshav ntuj tuaj sis zoj cas niam nkauj kab zaug cab sab. Los nag tuam sis zug lauv yij cab kau li lawg mus dhau hav. Ob xyoo nram ntej ub muaj zoo tub txawj ces nej txib , muaj zoo tub nkias ces nej khai, luag tshuv yeej tuaj nruab qab nteeg thiaj tsos cim paj pawg huab nplu fim nyob tej kev tsav.
Xyoo no tshav ntuj tuaj sis zoj niam nkauj kab zaug tsis cab sab los nag tuaj sis zug lauv yij cab kau li lawg mus tsi dhau hav. Muaj zoo tub txawj nej tsis txib , muaj zoo tub nkiag nej tsis khai, khai lawm laj lis tub txiv xaiv wb,wb tsis txawj xaiv. Wb tshuv yeeg tuaj nruab qab nteeg tso cim paj pawg huab nplu fim tsis nyog tej kev tsav .
ZAJ: 9
Ob xyoo nram ntej ub muaj zoo tub txawj nej tsis txib, muaj zoo tub nkiag nej khaiv,luag tshuv yeeg tuaj nruab qab nteeg tso cim paj pawg huab nplu mos nyoog xws
Rev mus paj huab txhia.
Xyoo no muaj zoo tub txawj nej tsis txib , muaj zoo tub nkiag nej tsis khai. Khai lawm laj lis tub txiv xaiv wb tsis txawj xaiv , wb tshuv yeeg tuaj nruab qab nteeg,wb tso cim paj pawg huab nplu quaj zog quaj zig xws suab dab nyiav.
Ob xyoo nram ntej ub muaj zoo tub txawj nej txib,muaj zoo tub nkiag nej khaiv,luag tshuv yeeg tuaj nruab qab nteeg tso cim paj pawg huab nplu mos nyoos xws paj huab duag.
Xyoo no muaj zoo tub txawj nej tsis txib muaj zoo tub nkiag nej tsis khaiv. Khiav lawm laj lis tub txiv xaiv wb tsis txawj xaiv. Wb tshuv yeeg tuaj nruab qab nteeg tso cim paj pawg huab nplu quaj zog quaj zig xws suab dab quag.
ZAJ: 10
Ob xyoo nram ntej ub muaj zoo tub txawj nej txib ,muaj zoo tub nkiag nej khaiv. Luag muab nws laus txoj qab xawv tis hlua,tis lis nkaug qab ntuj ces tawm lisp laws qab ntuj cas . Nws laus plaub xov cej ntug ntxhov li nyo tuaj tom qab. Luag tshuv yeeg tuaj nruab qab nteeg luag li nrog muab hais tag.
Ob xyoo nram ntej ub muaj zoo tub txawj nej txib, muaj zoo tub nkiag nej khaiv luag muab nws laus txoj qab xawv tis hlua, tis lis nkaug qab ntuj cas tawm lisp laws qab ntuj ces. Nws laus plaub xo ntxhov li nyo tuaj ttom tsev . Luag tshuv yeeg tuaj nruab qab nteeg luag muab nrog hais ntseg.
Xyoo no muaj zoo tub txawj nej tsis txib , muaj zoo tub nkiag nej tsis khaiv. Khaiv lawm laj lis tub txiv xaiv wb tsis txawj xaiv ,wb muuab nws laus txoj qab xawv tis hlua,tis lis nkaug qab ntuj cas tawm tsis nyo qab ntuj ces. Nws laus plaub xo ntxhov li nyo tuaj tom tsev los laj lis tub txiv xaiv wb tsis txawj xaiv wb nrog muab hais tsis ntseg.
Xyoo no muaj zoo tub txawj nej tsis txib muaj zoo tub nkiag nej tsis khaiv. Khaiv lawm laj lis tub txiv xaiv wb tsis txawj xaiv. Wb muab nws laus txoj qab xawv tis hlua,tis lis nkaug qab ntuj cas tawm tsis nyo qab ntuj dawg. Nws laus plaub xo ncej ntug ntxhov li tsawv tuaj tom qab los laj lis tub txiv xaiv wb tsis txawj xaiv . Wb tshuv yeeg tuaj nruab qab nteeg wb twb muab hais tsis ntxaws.
ZAJ: 11
Pem ntuj huv li liag noog liaj rag lis ntxiag,noog liaj tsis tav noog luv txoj mus hauv kab. Nej sam phiaj lawv xyuam tsum tsoom npoj qas laus nej muab zoo tub txawj mus tub nkiag. Tsis pub tso ceeb txhem laj lis tub txiv xaiv zoo tseem ceeb lus los nruab nrab.
Pem ntuj huv li liag noog liaj rag lis ntxiag, nooj liaj tsis tav noog luv txoj mush au kev. Nej sam phiaj ceeb xyuam tsum tsoom npoj qas laus nej muaj zoo tub txawj mus tub nkiag tsis pub tso ceeb tshem laj lis tub txiv xaiv zoo tseem ceeb lus los nrab tsev.
ZAJ: 12
Chij nyog tus looj mus khom xab. Chij nyog tus nyeej mus khom xiv. Kav nyeej kom tom nyeej,kav kab kom tom kab. Tav tau cim pleeg nkauj nraum lub caij ntaug tooj ntaug ncas ntaus lawm ncej khaub ntaus tsis pub xeev txwj xeev laus paub. Tav tau cim pleeg nkauj nraum lub caij ntaug tooj ntaug ncas ntaug lawm cej qho. Ntaug tsis pub xeev txwj xeev laus hnov.
Tav tau cim plees nkauj nraum lub caij ntaug ntooj ntaug ncas mus tav tau xeev txwj xeev laus txoj mus hau kev.Thiaj mus mag tau xeev txwj xeev laus lub mus voj ntev .Tav tau cim pleeg nkauj nraum lub caij ntaug tooj ntaug ncas mus tav tau xeev txwj xeev laus txoj mus hau kab. Thiaj mus mag tau xeev txwj xeev laus li mus voj hmab. Xeev txwj xeev laus ceeb txog tshwj kab kav xwm niaj peb suab, tshwj kab kav xwm npuj roob riag sig nrog muab. Xeev txwj xeev laus ceeb txog tshwj kab kav xwm niaj peb los tuaj tom tsev. Tshwj kab kav xwm npuj roob riag rig nrog ntes. Xeev txwj xeev laus muab cim pleeg nkauj nraum khi nkaug rau tus ncej cais tsis hais los tsis dim,txus hais los txus ntshai. Xeev txwj xeev laus muab cim pleeg nkauj nraum khi li nkaug rau tus ncej txag, tsis hais los tsis dim?cim pleeg nkauj nraum thiaj mus thov tau suav liaj nom teb tswv tuaj nrog hais ,suav liaj nom teb tswv thiaj cim pleeg nkauj nraum hais lus dag. Xeev txwj xeev laus muab cim pleeg nkauj nraum khi nkaug rau tus cej tsev,tsis hais los tsis dim?cim pleeg nkauj nraum thiaj mus thov tau suav liaj nom teb tswv tuaj nrog hais, suav liaj nom teb tswv thiaj cim pleeg nkauj nraum hais lus dev. Xeev txwj xeev laus muab cim pleeg nkauj nraum khi nkaug rau tus ncej cais. Suav liaj nom teb tswv hais niaj peb zag tuaj tom tag plam plaws cim pleeg nkauj nraum txoj qab hluag maj. Nyiaj txiag nchuav luaj txhais khais. Xeev txwj xeev laus muab cim pleeg nkauj nraum khi li nkaug rau tus ncej cub.suav liaj nom peb tswv hais niaj peb zag tuaj tom txuas plam plaws cim plees nkauj nraum txoj qab hlua ntuag. Nyiaj txiag nchuav luaj txhais hub. Zaum no nej cim pleeg nkauj nraum yuav ntaug tooj ntaug ncas ntaug lawm cej khaub. Ntaug tsis pub xeev txwj xeev laus paub. Zaum no nej cim pleeg nkauj nraum ntaug tooj ntaug ncas ntaug lawm ncej qho. Ntaug tsis pub xeev txwj xeev laus hnov.
ZAJ: 13
Ob xyoo nram ntej ub nws laus rooj tag txawm txooj huab yag. Rooj txuas txawm txooj huab duag. Tawg paj los paj tshiab,txi txiv los txiv ntshiv. Tawg paj ces nws laus khaws noj,txi txiv ces nws laus khaws coj.
Ob xyoo nram ntej ub nws laus rooj tag txawm txooj huab yag. Rooj txuas txawm rooj huab duag. Tawg paj los paj tshiab,txi txiv los txiv ntshiv . Tawg paj ces nws laus khaws ntoo,txi txiv ces nws laus khaws yoom.
Xyoo no nws laus ploj ceeb tuag tag nrho. Nws laus rooj tag tsis txawm txooj huab yag. Rooj txuas tsis txawm txooj huab duag. Tawg paj los paj nphlob,txi txiv los txiv lwj
Tawg paj nws laus tsis khaws noj,txi txiv nws laus tsis khaws coj. Ntshe yog niam liab ua tsiv siab,niaj liab mus de tau lub paj nphlob los pauv tau nws laus lub paj tshiab. Mus de tau lub txiv lwj los pauv tau nws laus lub txiv ntshiv. Coj mus noj kaus lis lawg lawm zoov nuj txeeg zoov tus nrab , xyoo no nws laus thiaj ploj ceeb qaug li yees tuaj tom qab.
Xyoo no nws laus ploj ceeb tuag tag nrho. Nws laus rooj tag tsis txawm txooj huab yag ,rooj txuas tsis txawm txooj huab duag. Tawg paj los paj nphlob ,txi txiv los txiv lwj.
Tawg paj nws laus tsis khaws ntoo, txi txiv nws laus tsis khaws yoom. Ntshe yog niaj cuam ua tsiv plawv. Niaj cuam mus de tau lub paj nphlob los pauv tau nws laus lub paj tshiab. De tau lub txiv lwj los pauv tau nws laus lub txiv ntshiv. Coj mus noj kaus lis laws lawm zoov nuj txeeg zoo tus ntev. Xyoo no nws laus ploj qaus lis qeevtuaj tom tsev.
ZAJ: 14
Cuaj hais nas yim haiv noog ua neej txoos yees lawm yaj ceeb no. Ntshai qas tsi? Ntshai liaj kus ntshai dav. Cuaj haiv mab yim haiv suav ua neej txoos yeev lawm yaj ceeb no ntshai qas tsi?ntshai nyuj tuag mob nees tuag ntshav.
Cuaj haiv nas yim haiv noog ua neej txoos yees lawm yaj ceeb no. Ntshai qas tsi?ntshai luag ntoj ntxiab mus nthuav hlua. Cuaj haiv mab yim haiv suav ua neej txoos yees lawm yaj ceeb no ntshai qas tsi ?ntshai nyuj tuag mob nees nthua tuag.
ZAJ: 15
Ob xyoo nram ntej ub nws laus ua neej txoos yees nyob nws laus lub zej lub zos xov li so xws lub zos suav. Xyoo no nws laus ploj tuag tag nrho nws laus lub zej lub zos nqaim lis dhuav.
Ob xyoo nram ntej ub nws laus ua neej txoos yees nyob nws laus lub zej lub zos sov li so xws lub zog xwv. Xyoo no nws laus ploj tuag tag nrho nws laus lub zej kus lub zog niam yuav nqaim li nrhwv. Cuaj hav mab yim haiv suavua neej txoos yees lawm yaj ceeb no. Muab qab hlua tis hauv hlua . Hauv hlua tis li nkaus ntxwj nyob qab tsawj taws mus tsawj tes . Txwj nyoog txheev txog txoj twg ces txoj twg ruj . Tso txoj twg ces txoj twg taug. Ntxwj nyoog txheev txog leej twgduab caug ces leej twg sawv nrog pluj qaug . Cuaj haiv mab yim hais suav ua neej txoos yees lawm yaj ceeb no. muab qab hlua tis hauv hlua . Hauv hlua tis lis nkaus rau ntxwj nyoog qab tsawj tes mus tsawj taws. Ntxwj nyoog txheev txog leej twg ces txoj twg nruj. Tso txoj twg ces txoj twg taug. Ntxwj nyoog txheev txog leej twg duab txuj ces leej twg sawv nrog pluj.
Xyoo no ntxwj nyoog txheev txog nws laus duab txuj nws laus li xawv nrog pluj . Xyoo no ntxwj nyoog txheev txog nws laus duab caug. Nws laus li xawv nrog pluj qaug Xyoo no nws laus ploj ceeb tuag tag nrho leej tub tij nkaus hlo raj kub twg xi lis nqiab . Ntsim kev zej kev zog siab kev zej kev zog ntoj tej sig niab.
Xyoo no nws laus ploj tuag tag nrho leej tub tij nkaus hlo raj kub twg xi lis nqawv . Ntsim kev zej kev zog plawv , kev zej kev zog ntoj tej xis tshaws. Kev zej tuaj poob kev zog tuaj txog. Leej tub tij nkaus hlo lwj kab chaw nram nroog tuaj tom taj. Kev zej thiaj nrog leej tub tij sab laj . Li ntog tau nws laus ib nkaug khau maj . Tom ntej ntswj zog ib puab ,tom qab, ntswj zog ua ib tis. Muab rau nws laus coj mus tsuj lawm toj pes kev kab ntsig. Leej tub tij li nkaus hlo lwj kab caw nrom nroog tuaj tom txuas. Kev zej li nrog leej tub tij mus sab laj txhua li ntog tau nws laus ib nkaug khau ntuag. Tom ntej ntswj zog ib tis tom qab nstwj zog ua ib puab. Muab rrau nws laus coj mus tsuj lawm toj peg kev kab ntsuab . Leej tub tij thiaj txib tau tub ntug zej niaj ib txug. Tub ntug zog niaj ib nkaug . Tej lauj caum rab riam,laus nas caum rab yag. Nce lis hlo zoov nuj ntxeeg zoov tus nrab,mus ntsim lis npauv tus ntoomaj ntoo tov qaus lis yeev mus tab roob . Yuav coj los ntog tau nws laus tus nees txaij nees quas txoob.
Leej tub tij txib tau tub ntug zej niaj ib txus tub ntug zog niaj ib nkaug. Tej lauj caum rab yag,lauj nas caum rab riag. Nce lis hlo zoov nuj txeev zoov tus ntev mus ntsim lis npauv tug ntoo ntxwj ntoo tov qaug lis yeev mus tav hav. Yuav coj los ntog nws laus tus nees txaij nees quas tav.
Nees txaij nees quas tav nyob ntuj niaj ntug puag tim ub .Yuav vam tub ntug zej ib nkaug mus nrog rub . Nees txaij nees quas txoob nyob ntug niaj ntug puag tim tsuag. Yuav vam tub ntug zog ib txwg mus nrog luag. Nees txaij nee squab txoob txauj teg nkig lis nkuav los lawm tej hauv kab. Yuav los txia lis ntshis ua tus nab raj nab sib nias lis nkaug nws laus tus yeeg nthab. Nees txaij nees quas tav txauj teg nkis lis nkuav ntaug lis leev los lawm tej hau kev . Yuav los txia lis npo ua tus nab raj nab rib nias lis nkaus nws laus tus yees tsev. Nws laus tus nees txaij nees quas tav ntaug lis leev los rau nws laus qhov mus rooj tag. Yuav los ris tau nws laus 148 yas txha sawv los pauj plag . Nws laus tus nees txaij nees quas txoob ntaug lis leev los rau nws laus qhov mus rooj txuas . Yuav los ris tau 148 yas txha sawv los pauj qhuas.
ZAJ: 16
Hwb cheej kav cuab cheej,cuab cheej kav lam zeej. Lam zeej kav txheeb nyeej,txheeb nyeej kav txheeb keeb. Yij cuab loj vam khom yij kum com. Yij cuab lo luj vam khom yij kum. Thawj laij txum thawj. Yim tuam li vam khom xov mus nyeej keeb,zeej xws twb xws vam khom ij kumthawj laij txwm thawj li hawm tag lawm ib tsoom zeej xeeb . Yij tuam li vam khom xov mux nyeej tim zeej xws twb xws vam khomij kum thawj laij txum thawj li hawm tag lawm ib tsoom zeej yim.
Ceeb txog nej sam phiaj lawv xyuam tsum nej ua tau tus ntoo maj ntoo tov txawm lis rog tuaj nruab dawg laj lis tub txiv xaiv wb ua tau noog liaj noog luv nrag lis ntxiaj ib vuag dhau wb li fij xeeb tig rov los tsaws .
Nej sam phiaj ceeb xyuam tsum tsoom npoj qas laus nej ua tau tus ntoo maj ntoo tov txawm lis zog rau nruab roob laj lis tub txiv xaiv wb ua tau noog liaj noog luv nrag lis ntxiaj ib vuag dhau wb li pij xeeb tij rov los poob.
KEV HLUB YOG DAB TSI? Part 2
Kev hlub tsis yog ib pob los ib thooj thiab kev hlub tsis yog ib yam khoom dab tuav tau ntawm tes. Kev hlub tsuas yog lo lus hais ntawm neeg lub siab los thiab yam nws ua es hais tau rau lwm tus tias : nov yog kuv hlub koj thiab koj hlub kuv xwb.
Kev hlub yog nyob rau ntawm ib tug neeg muaj nyob rau nws nruab siab . Tus neeg uas muaj txoj kev hlub nws tsis xaiv leej twg ntsej leej twg muag. Nws ua tau siab loj, siab dav, lub siab ntev tau, tsis lam chim sai, thiab muaj txoj kev hlub ncaj ncees tuaj nruab siab.
Kev hlub tsis xam khib, tsis muaj hlob rau ib leej twg, tus neeg muaj lub siab hlub nws tsis coj ua nruj ua tsiv rau ib leej twg. Kev hlub tsis yog kev cuaj khaum, tsis lam chim sai tej yam nws tsis tau paub qhov tseeb, thiab tsis cim ntsoov luag tej lus tsis zoo rau nruab siab nraim. Kev hlub yog kev ncaj ncees los coj thiab los taug kom haum rau txhua tus thiab kev hlub tsis thuam tsis nyhos leej twg, tsis qhuab yuam, thiab tsis hais tej lus siab tsis tau tej neeg.
Kev hlub tsis yog kev ntxub ntxaug tsis yog kev ua phem ua qias , thiab tsis yog tus neeg muab nws saib muaj nqis tshaj lwm tus. Kev hlub yog kev sib hwm, thiab xyaum ua siab ntev, xyaum mloog luag tej lus hais tsis haum nws siab. Kev hlub yog ib yam puav pheej tib neeg txhua tus ntshaw thiab xav tau tiam sis lawv tsis muaj. Vim kev hlub tsis yog ib yam ua tau yooj yim li neeg siab xav.
Kev hlub tsis muaj muag thiab txawm mus nrhiav txog qhov twg los tsis tau vim kev hlub nyob rau neeg lub siab. Kev hlub yog tus neeg nws muaj lub siab ntev xyaum thiab mloog nws tus kheej saib nws txoj kev nsthaw yog dab tsi? thiab muaj lub siab ntseeg tias kev hlub yeej txhua yam.Kev hlub yog kev cia siab, kev hlub tsis paub tuag, yog leej twg muaj txoj kev hlub zoo lawm, txoj kev hlub nrog nws nyob mus tag nws tiam neej.
Kev hlub yog ib yam nws yuav tsum txaus siab muab thiab ua rau lwm tus luag thiab tau nws li kev hlub. HLUB yog ib lo lus uas muaj zog heev los sis muaj hwj chim tshaj plaws txhua txhia yam saum ntuj thiab nyob rau ntiaj teb no. HLUB yog tus neeg muaj lub siab ntev thiab nyiaj tau txoj kev nyuaj siab , nws thiaj paub thiab pom tias kev hlub yog li cas tiag.
Kev hlub yog nyob rau ntawm ib tug neeg muaj nyob rau nws nruab siab . Tus neeg uas muaj txoj kev hlub nws tsis xaiv leej twg ntsej leej twg muag. Nws ua tau siab loj, siab dav, lub siab ntev tau, tsis lam chim sai, thiab muaj txoj kev hlub ncaj ncees tuaj nruab siab.
Kev hlub tsis xam khib, tsis muaj hlob rau ib leej twg, tus neeg muaj lub siab hlub nws tsis coj ua nruj ua tsiv rau ib leej twg. Kev hlub tsis yog kev cuaj khaum, tsis lam chim sai tej yam nws tsis tau paub qhov tseeb, thiab tsis cim ntsoov luag tej lus tsis zoo rau nruab siab nraim. Kev hlub yog kev ncaj ncees los coj thiab los taug kom haum rau txhua tus thiab kev hlub tsis thuam tsis nyhos leej twg, tsis qhuab yuam, thiab tsis hais tej lus siab tsis tau tej neeg.
Kev hlub tsis yog kev ntxub ntxaug tsis yog kev ua phem ua qias , thiab tsis yog tus neeg muab nws saib muaj nqis tshaj lwm tus. Kev hlub yog kev sib hwm, thiab xyaum ua siab ntev, xyaum mloog luag tej lus hais tsis haum nws siab. Kev hlub yog ib yam puav pheej tib neeg txhua tus ntshaw thiab xav tau tiam sis lawv tsis muaj. Vim kev hlub tsis yog ib yam ua tau yooj yim li neeg siab xav.
Kev hlub tsis muaj muag thiab txawm mus nrhiav txog qhov twg los tsis tau vim kev hlub nyob rau neeg lub siab. Kev hlub yog tus neeg nws muaj lub siab ntev xyaum thiab mloog nws tus kheej saib nws txoj kev nsthaw yog dab tsi? thiab muaj lub siab ntseeg tias kev hlub yeej txhua yam.Kev hlub yog kev cia siab, kev hlub tsis paub tuag, yog leej twg muaj txoj kev hlub zoo lawm, txoj kev hlub nrog nws nyob mus tag nws tiam neej.
Kev hlub yog ib yam nws yuav tsum txaus siab muab thiab ua rau lwm tus luag thiab tau nws li kev hlub. HLUB yog ib lo lus uas muaj zog heev los sis muaj hwj chim tshaj plaws txhua txhia yam saum ntuj thiab nyob rau ntiaj teb no. HLUB yog tus neeg muaj lub siab ntev thiab nyiaj tau txoj kev nyuaj siab , nws thiaj paub thiab pom tias kev hlub yog li cas tiag.
Txoj kev hlub nws cia li txawj tshwm sim tawm hauv neeg lub siab los xwb. Kev hlub tsis yog yus mus nrhiav thiaj mam tau thiab yus yeej tsis ntsib. Txoj kev hlub ua yog koj thiab kuv muaj lawm tsis muaj leej twg nyiag tau. Tab txawm lawv muab yus tua kiag los nws tsis tau, thiab txoj kev hlub yog yus haj yam hlub leej twg npaum li cas los nws haj yam muaj ntau ntxiv xwb thiaj txais tau tias kev hlub yog dab tsi.
Txoj kev hlub yog ib yam khoom paj tshab uas muaj nuj nqis tshaj plaws rau neeg. Yog li thov kom txoj kev hlub no muaj nyob rau koj thiab kuv wb mus tag wb tiam neej.
KEV HLUB YOG DAB TSIS
Vim koj Txiv nto moo lug yog kev hlub, vim koj niam ntiaj teb yog kev hlub, vim neeg tus tub yog kev hlub, tag txhua yam tshwm sim nyob ntiaj teb yog kev hlub thiab txoj kev thoob tsib, kev hlub thiaj yuav coj tau nej mus nyob kaj siab lug.
Yog koj nyiam koj thiab koj hlub koj ces koj yuav hlub tau txhua yam, vim koj yuav qhia tau tias tus Tswv muaj hwj chim tag nrho nrog koj nyob, vim txhua hnub tus Tswv nto moo lug yuav ntxuav koj tej kev txhawm , yuav ua kom koj dawb huv hauv koj lub cev koj tus ntsuj plig.
Tsis txhob foom tus neeg ua mob rau koj vim nws tsis tau xeev los rau txoj kev hlub, txoj kev hlub tseem tsis tau tshwm sim hauv nws lub siab, zam txim rau nws kom nws paub txog qhov txhaum nws ua rau koj, yog koj zam txim rau nws ces koj raws txoj cai ntawm txoj kev hlub nto moo lug, yog koj tshem tag nrho tej kev phem hauv koj lub siab ces txoj kev hlub ntawm yuav tshwm sim ntawm koj qhov muag.
Yog koj muaj kev hlub puv npo, koj yuav paub txog Tswv Ntuj lo lus tias txoj kev hlub ua rau yus muaj zog tsa tau toj roob hauv pes sawv , txawm kev hlub tuaj qhob twg tuaj los koj yuav tau hwm kev hlub, vim kev hlub yog koj lub zog. Nco ntsoov hais rau luag tias kuv hlub koj, vim qhov " KUV" ntawv ua rau Huab Tais nrog koj nyob, nco ntsoov tias thaum lwm tus hais rau koj tias << kuv hlub koj >> qhov " KUV " ntawm nws hais rau koj mas Tswv ntuj nrog nws nyob, li no koj yuav tsis muaj hnub ntshai kev hlub.
1. Kev Hlub yog kev cawm seej tus yuam sij (Master key) qhib tau txhua fab mus rau txoj sia kev zoo siab.
2. Kev Hlub zoo li koob hmoov zoo, koj yuav tsum nrhiav txhua txoj kev thiaj ntsib nws.
3. kev Hlub kho tau koj kev xav nruab siab loj muaj zog, txawj xav tom ntej tom qab.
4. kev Hlub tsis txawj kawg, tsis txawj tas, nws nyob mus ib txhis.
5. Kev Hlub zoo li ib nthwv rog, thaum pib mas yooj yim, tiam sis nyuaj thaum yuav txog tom ntsis. 6. kev Hlub ua rau koj tus ntsuj plig zoo siab dhia hom khaj tuaj rau txoj kev kaj.
7. Kev Hlub yog ib yam txiaj ntsim paj tshab zoo tshaj nyob saum ntuj.
8. Kev Hlub nyiaj taus kev nyuaj, kev zoo siab thiaj li tawm muaj tuaj.
9. Tus yuam sij (Key) ua kom txoj kev sib Hlub nruaj khov nyob hauv kev ua txij nkawm, tsis yog nrhiav tus neeg phim koj, tiam sis yog kawm ua raws li tus neeg koj Hlub thiab tau ntsib nws.
10. Kev Hlub yog pib ntawm koj ua ntej, Koj puas hlub koj tus kheej tiag ? Koj yuav tsum Hlub tau koj tus kheej ua ntej, mas koj thiajli yuav mus hlub tau luag lwm tus sab nraud.
Yog koj nyiam koj thiab koj hlub koj ces koj yuav hlub tau txhua yam, vim koj yuav qhia tau tias tus Tswv muaj hwj chim tag nrho nrog koj nyob, vim txhua hnub tus Tswv nto moo lug yuav ntxuav koj tej kev txhawm , yuav ua kom koj dawb huv hauv koj lub cev koj tus ntsuj plig.
Tsis txhob foom tus neeg ua mob rau koj vim nws tsis tau xeev los rau txoj kev hlub, txoj kev hlub tseem tsis tau tshwm sim hauv nws lub siab, zam txim rau nws kom nws paub txog qhov txhaum nws ua rau koj, yog koj zam txim rau nws ces koj raws txoj cai ntawm txoj kev hlub nto moo lug, yog koj tshem tag nrho tej kev phem hauv koj lub siab ces txoj kev hlub ntawm yuav tshwm sim ntawm koj qhov muag.
Yog koj muaj kev hlub puv npo, koj yuav paub txog Tswv Ntuj lo lus tias txoj kev hlub ua rau yus muaj zog tsa tau toj roob hauv pes sawv , txawm kev hlub tuaj qhob twg tuaj los koj yuav tau hwm kev hlub, vim kev hlub yog koj lub zog. Nco ntsoov hais rau luag tias kuv hlub koj, vim qhov " KUV" ntawv ua rau Huab Tais nrog koj nyob, nco ntsoov tias thaum lwm tus hais rau koj tias << kuv hlub koj >> qhov " KUV " ntawm nws hais rau koj mas Tswv ntuj nrog nws nyob, li no koj yuav tsis muaj hnub ntshai kev hlub.
1. Kev Hlub yog kev cawm seej tus yuam sij (Master key) qhib tau txhua fab mus rau txoj sia kev zoo siab.
2. Kev Hlub zoo li koob hmoov zoo, koj yuav tsum nrhiav txhua txoj kev thiaj ntsib nws.
3. kev Hlub kho tau koj kev xav nruab siab loj muaj zog, txawj xav tom ntej tom qab.
4. kev Hlub tsis txawj kawg, tsis txawj tas, nws nyob mus ib txhis.
5. Kev Hlub zoo li ib nthwv rog, thaum pib mas yooj yim, tiam sis nyuaj thaum yuav txog tom ntsis. 6. kev Hlub ua rau koj tus ntsuj plig zoo siab dhia hom khaj tuaj rau txoj kev kaj.
7. Kev Hlub yog ib yam txiaj ntsim paj tshab zoo tshaj nyob saum ntuj.
8. Kev Hlub nyiaj taus kev nyuaj, kev zoo siab thiaj li tawm muaj tuaj.
9. Tus yuam sij (Key) ua kom txoj kev sib Hlub nruaj khov nyob hauv kev ua txij nkawm, tsis yog nrhiav tus neeg phim koj, tiam sis yog kawm ua raws li tus neeg koj Hlub thiab tau ntsib nws.
10. Kev Hlub yog pib ntawm koj ua ntej, Koj puas hlub koj tus kheej tiag ? Koj yuav tsum Hlub tau koj tus kheej ua ntej, mas koj thiajli yuav mus hlub tau luag lwm tus sab nraud.
Txhom tau tus me ntxhais hmoob ua tub sab
Nej saib nawb lawv txhom tau tus me ntxhais no yog tus nyiag cov ntxhais hmoob mus muag rau suav.
Deev luag poj niam, Hmoob Lao Cai - Nyab Laj
Txoj video no twb yog mus deev luag poj niam ntes tau nyob hmoob lao cai viet nam, peb saib hais li cas tw low
Hmong Love Song - Tsis vim leeg twg
Lub niaj lub xyoo twb tsis ntev...
Nujtxeeg-Paj hli twb ua nkauj nraug dhau lawm 1 ncua kev...
Tsis ntev lub niaj twb dhau mus ua xyoo...
Nujtxeeg-Paj hli tsuas ua hnub ua hmo tuaj sib ncooj..
Hmong Video Music DJ - Club Dance Party
Ib zaj nhkauj no yog 2 tus hu:
- Paj Zaub Thoj
- Lee Kong Xiong
Tsis Khib Tsis Hlub
The best of hmong love song - Mas Lis Yaj 2016
Cov hluas nkauj Korea dance twb ib cov nkauj hmoob
Kwb tij hmob saib zoo
Kwb tij hmob saib zoo
Subscribe to:
Posts (Atom)